Bula
Hola mi amigonan,
Mi nomber ta Bula! Bon, awor cu mi a conta boso mi ta spera ku bosonan lo corda, pasobra ami mes tin biaha ta lubida. Si bo landa 6 biaha pa luna y bek, bo lo sa mi edad. Mi a nace hopi leu riba un solo biņa. Ora cu mi a sali for di e webo un gigante hopi chiki cu un wowo y tres bril di solo a tirami den espacio. Ora cu mi a sinti un cadushi ta hincami mi tabata aki na Aruba. Tin biaha mi kier bula bek pero mi vuelo no ta dura ni 2 seconde y mi ta sinti falta di Aruba y mi ta bolbe mesora. Mi por bula asina bon ku te hasta mi a duna les di bula na un hoven cu ta yama Auto. Ora cu mi a siņe e triki e a kambia su nomber lihe pa 'Helicopter'. Pero awor bo sa ta ken a siņa Auto bula.
Mi deporte preferi ta risibi 100 meter sunchi, pero tambe mi ta hopi bon den 'bula-cabuya-bao-awa'. Tin biaha mi ta pleita cu otro hende, pero esey ta pasobra mi ta trapa riba nan tenchi ku mi pianan super-grandi. Mi cuminda preferi ta pannekoek cu bubblegum. Si mi come basta di nan, mi por supla e bubblegum den mi barica te ora e bira un bel grandi y mi por bula bai e solo biņa bek.
Pero prome laga nos hunga un tiki mas ... bo ta ban?
